Masayang ibinalita ni Pokwang na matapos ang isang dekada ay mapapatayuan na niya ng bahay ang lupang nabili niya noon sa Bataan.
Sa video ay makikitang tanaw agad ang dagat sa kanilang property.
“Finally after 10 years mapapatayuan na kita yehey. #CamayaCoast e yung kita ba dagat? Salamat po papa God,” ani Pokwang.
Bukod dito ay may sarili na rin bahay si Pokwang kasama ang kanyang pamilya. Ilang taon na rin nagtatrabaho sa mundo ng showbiz ang komedyante at ikinatuwa ng netizens na nagbunga na rin ang kanyang mga paghihirap.