• Home
  • Fresh Scoops
  • Hindi daw dumaan si Candy Pangilinan sa denial stage nung unang nalaman ang kalagayan ng anak.

Candy Pangilinan, naging emosyonal sa pagkuwento tungkol sa anak na may autism

Hindi daw dumaan si Candy Pangilinan sa denial stage nung unang nalaman ang kalagayan ng anak.

BY
Leo Bukas

Twitter: @leobukas

FRESH SCOOPS

12/20/2019 10:38 AM
Candy Pangilinan, naging emosyonal sa pagkuwento tungkol sa anak na may autism

“Yung totoo, hindi ako dumaan sa denial kasi hindi ko naintindihan kung ano yon. Nung sinabi Kaagad na natanggap noon ng comedy actress na si Candy Pangilinan ang pagkakaroon niya ng anak na may autism—si Quentin na 18 years old na ngayon. Hindi rin daw siya dumaan sa denial stage.

sa akin na your kid needs occupational therapy, ganyan-ganyan, eh, kakahiwalay ko lang noon.

“Early intervention ang nangyari sa akin kasi nine months palang nagpa-check na ako ng mata ng bata kasi minsan duling, minsan banlag siya. And nung sinabi ng doctor na kailangan niya ng therapy umoo ako kaagad, ‘Sige ho, gawin natin yan. Saan po, kailan?’


“Hindi ko kasi na-realize, akala ko pag nag-therapy eventually gagaling. It’s only after a while do’n ko na-realize hindi pala gumagaling, lifetime pala ito. Nung pumupunta na ako ng therapy at nakikita ko na ang ibang bata, nakikita ko na ang sitwasyon ng ibang magulang, don lang dahan-dahang nag-sink-in sa akin na ay ito pala yon, iba pala ‘to.

“Hindi agad nag-sink-in sa akin kasi nung nasa doctor ako ,ang feeling ko, ‘Sige, ano pong kailangan? Game, gawin ho natin yan!’ So hindi ako dumaan do’n sa denial. Dumaan ako do’n sa shock siguro, yung ‘Ah, tapos…’

“Nung nagsi-sink-in na do’n lang ako talaga naiyak. Do’n ko nalabas, yung parang ‘Oh, my gosh!’ At yung iyak kong iyon hindi rin lahat, yung everyday tuwing pumupunta ako sa therapy niya do’n ko lang naramdaman yung burden,” tuluy-tuloy na paliwanag sa PUSH ni Candy.

Hindi ba niya kinuwestyon ang Diyos sa nangyari?

“Hindi na. Hindi na ho ako nakaabot sa ganung tanong kasiyung totoo humingi na agad ako ng tulong,” tugon ng aktres.

Ibinahagi rin sa PUSH ni Candy kung ano ang nagbago sa kanya simula nung dumating si Quentin.

“Ang malaking bagay po na nag-iba sa akin is I’ve become more grateful because I’ve seen… there’s so many things that we take for granted, yon po ang totoo. Kasi yung simpleng pagsalita, pag-communicate, pag-open ng hands, yon po ay mga bagay na hirap na hirap ginawa ng anak ko. So many things that we take for granted then I realized na ‘wow, it’s a gift pala,’” she said.

Nakausap ng PUSH si Candy nang mag-renew ito ng five-year contract sa Viva kamakailan lang.

Nagbigay din ng advice ang aktres sa pamilyang may sitwasyong katulad din ng sa kanya.
 
Aniya, “Parati ko ngang sinasabi, don’t feel bad about it, you just have to embrace it. Ang dami pa rin kasing tinatago, nagugulat, kinakabahan, ikinahihiya.

“Actually, ang term ko nga baka hindi ikinahihiya, eh, hindi lang nila alam kung anong gagawin. Ang sa akin lang po ay just embrace the situation, accept it and just go with the flow.
“Do’n ho talaga ang simula, eh. Tigilan na natin na mag-deny na ano lang, matigas ang ulo, spoiled lang, delayed, kasi the more that we do not accept the reality in front of us the more na hindi natin matutulungan yung bata, ganun lang kasimple.”

Sa huling bahagi ng PUSH interview kay Candy ay hindi na niya napigilang mapaiyak at maging emosyonal dahil aniya, sobra siyang nagpapasalamat na naitataguyod niya nang maayos ang anak dahil sa dami ng mga blessings na dumarating sa kanya.

“Feeling ko, because of the need to be able to support Quentin ang daming talento na lumalabas po sa akin. Natututo po akong magsumikap and… sorry ho,” sabay punas ni Candy sa kanyang luha.

“Yon ho, I think because of the situation, I’ve learned to survive and I’ve learned to develop so many other things other than acting,” emosyonal niyang pahayag.