Nagsimula na ang paghahanda ng dalawang bida para sa ikatlong season ng HBO original series na Halfworlds.
Sa Twitter post ng direktor na si Mikhail Red nitong Sabado, November 30, ibinahagi niya ang ilang larawan mula sa training nila Sam Concepcion at Bianca Umali.
Bianca and Sam training for HBO Halfworlds 3 pic.twitter.com/2YZw11gKdc
— Mikhail Red (@MikhailRed) November 30, 2019
Nitong Biyernes unang inanunsyo ni Red ang pagdidirek ng pinaka-unang Filipino HBO mini series na may walong episode. "The Engkantos are at war in the Philippines. Who do you fight for? Filming soon," ayon sa caption ni Red sa kaniyang Instagram post.
Read:Mikhail Red to direct third season of HBO’s ‘Halfworlds’ starring Sam Concepcion
Si Red ang parehong direktor ng mga critically-acclaimed films tulad ng Birdshot at Eerie. Habang napapanood na sa Netflix ang kaniyang pelikulang Dead Kids, aabangan naman isa pa niyang gawa na zombie film, ang Block Z.