Kasunod nang naging special birthday celebration ni Teresa Loyzaga kasama ang anak na si Diego Loyzaga sa isang animal shelter, nagbigay update ang aktres na si Sunshine Cruz sa kasalukuyan na kalagayan ngayon ni Diego matapos ang mahabang break nito sa showbiz.
LOOK: Diego Loyzaga joins mom at an animal shelter to celebrate her birthday
“Yes he visits my kids, may time na almost everyday, every week andoon siya sa house with my children,” sabi pa ni Sunshine sa press.
Aniya, walang nagbago kay Diego at nanatili pa rin ang pagiging mabuting bata nito at Kuya sa kanyang mga nakababatang kapatid.
“I respect their privacy, ayaw nilang ilabas ang mga photos, ang bonding nila with kids. Natuwa nga ako mayroon siya kasama niya si Tong, napakabait na bata niyan,” ani aktres.
At bilang pangalawang ina kay Diego, nanatili pa rin na buo ang suporta ni Sunshine kung sakali na magbalik ito ng showbiz.
“Kung ano man ang balak niya, ang plano niya sa buhay, andito lang kami bilang tita Shine niya at mga kapatid niya na mahal na mahal siya, andito lang kami to support him, lagi naman,” pahayag ni Sunshine.
Sa ngayon, mas pribado sa kanyang mga social media post ang aktor na huling napanood sa Kapamilya series na “Los Bastardos.”