Marami ang natuwa sa pagbabawas ng timbang ni Sharon Cuneta dahil pansin na pansin na rin ito sa TV at sa kanyang latest na mga litrato.
Bagamat ikinatuwa rin ito ni Megastar, inamin naman niyang nagkasakit na siya matapos manggaling sa New York upang bisitahin ang anak na si Frankie Pangilinan at nahihiya na raw siya sa kanyang concert ‘partner’ na si Regine Velasquez-Alcasid dahil hindi pa siya nakakapag-ensayo para sa kanilang paparating na“Iconic concert.
“Kaya pala maluwag yung [damit ko] sa Showtime at GGV — lumiit na naman ako. Good problem to have. The bad problem is: I couldn’t rehearse again today, nahihiya na ako kay Reg. I really am still sick and have been in bed mostly sleeping, and am now on antibiotics—and am seeing my doctor tomorrow na to get the right diagnosis and meds. Useless if you rehearse then bungle up during the actual concerts because you strained yourself. Stress is also such a huge factor,” aniya.
Nagulat din ang kanyang fans nang sabihin niyang balak na niyang mag-retire pagkatapos ng dalawang taon. Ngunit sinabi niyang marami naman ang nakalatag na proyekto para sa kanya ngayon kung kailan naman binalak niyang magpahinga na sa trabaho.
Nagpapasalamat naman ang singer-actress sa mga biyayang natatanggap, pero napapagod na rin daw ang kanyang katawan.
“I am retiring in, the most, two years. But my calendar is suddenly SUPER FULL until next year and though I am so grateful, I am just already so, so tired. I don’t know what to do with myself!” ani Sharon.
Humiling naman ng dasal ang Megastar para manumbalik ang kanyang sigla.
“I need your prayers. Please, please. I need to go back to my old healthy, energetic self before I say “buhbye.” I love you all dearly. Thanks so much.”