Anthony Taberna, may plano nga ba na pasukin ang pulitika?

Nagbigay reaksyon din si Anthony Taberna sa mga kasamahan sa trabaho na pinapasok na ang mundo ng pulitika.

BY KIKO ESCUADRO

Twitter: @Simplengbinata

FRESH SCOOPS

5/3/2018 11:38 AM
Anthony Taberna, may plano nga ba na pasukin ang pulitika?


 

Present ang malalapit na kaibigan ni Anthony Taberna sa opening ng Ortigas branch ng Ka Tunying’s Cafe nito.

 

 

Ayon kay Ka Tunying, inspirasyon niya ang kanyang pamilya sa patuloy na pagpapalago ng kanyang negosyo.

“Unang una ang pamilya natin. Ang totoo lang mahirap ang ganitong klase ng negosyo. Pero pag nakikita mo kinabukasan ng mga anak natin… Medyo madugo lalo ngayon na mataas ang presyo ng lahat so kailangan na ipaghanda,” bungad ni Ka Tunying.

“Ito ay comfort food na parang luto ng mga nanay natin na may twist. At siyempre iba ang asikasong Tunying,” pagmamalaki pa ni Ka Tunying.

Isa din si Ka Tunying sa mga media personality na aminadong ini-enganyo na tumakbo sa pulitika.

Pero ayon kay Ka Tunying, marami pa siyang kailangan na pag-aralan pa.

“Actually marami (to enter politics). Sa katunayan yung iba nangangako pa ng funding para sa ibang tulong ng campaign natin. Pero sa tingin ko ngayon ay malayong-malayo pa sa isip natin yun.”

Nagbigay reaksyon din si Ka Tunying bilang isang news personality as mga kagaya niya na pinapasok ang mundo ng pulitika.

“Ako nirerespeto ko yun, kung gusto nila na sa gobyerno natin at maganda yun dahil may bentahe na sila at karamihan naman sa mga tumatakbo ay may experience na sa kung ano ba talaga ang problema ng ating kababayan at kung ano ang dapat gawin,” sabi pa niya.

“I think it’s a plus for them and an X factor to succeed in political arena,” sambit pa nito.

Hindi man sinasarado ang pintuan sa mga posibilidad, hangad muna ni Ka Tunying na paglaanan ng panahon ang trabaho at ang lumalagong negosyo.

“Ang sabi ko nga palagi pag tinatanong ako, parang kailangan ko muna maging magaling na manager sa negosyo na ito bago ko mapatunayan na magiging magaling akong manager na government official.”