Isa ang Umagang Kay Ganda segment host na si Marlo Mortel sa supporting cast ng pelikulang One Great Love ng Regal Entertainment para sa 2018 Metro Manila Film Festival.
Sa media conference ng pelikula, hindi napigilan na balikan ni Marlo ang mga panahon na binubuo nila ang pelikula at ang mga huling sandali kasama ang kanyang Ina.
“May time kasi na iyon na pala ang last day ng mom ko so kinabukasan namatay siya hindi ko alam kung dapat ba na nandoon ako sa paghihintay to shoot this film pero kasi nag-commit na ako, so kahit ganoon ang condition ng mommy ko nandoon ako so first time ko sa set iyak ako ng iyak,” malungkot na pag-alala ni Marlo.
May pinagdadaanan man sa personal na buhay si Marlo, malaking karangalan sa kanya na makasama ang lead stars ng One Great Love na hinahangaan niya sa larangan ng pag-arte.
“Si Kim Chiu kung ano ang makita nyo onscreen that's what she is -- bubbly, mabait. Pero si kuya JC hindi ko pa siya naka-scene eh so honored ako na maging part to this cast,” sabi pa ni Marlo.
Dito, sinagot din ni Marlo ang katanungan kung nakilala na nya ba ang kanyang inspirasyon sa buhay.
“Hindi naman tayo pwede na forever sad ... it comes with timing kapag naramdaman mo sa heart mo na siya na, better stick to it,” pahayag pa ng singer.
Kasama sa walong official entries nag 2018 Metro Manila Film Festival ang One Great Love na ipapalabas sa Decemeber 25.