Sa ulat ng TV Patrol, naaksidente ang 18-year-old na si Markus Paterson matapos nitong sumalpok sa concrete barrier habang minamaneho ang kanyang motorsiklo. Nakilala si Markus nang maging finalist siya sa Pinoy Boyband Superstar.
Umiinda ng sakit si Markus habang pinapatawan siya ng first aid. Ayon sa first-aider, “May nakikita tayong deformity dito sa right leg niya. Possible nabali pero need to conduct x-ray po.”
Ayon naman sa mga nakakita sa aksidente, “Wala po siyang ilaw. Ang bilis ng patakbo. Bumaliktad pa nga po siya. Lumipad ang sapatos pati helmet natanggal.”
Ayon pa sa ulat, sinakay si Markus ng tatlong lalaki nang makita nilang naaksidente ito sa Roxas Boulevard exit road. Pero ayon sa ulat ninakawan daw si Markus ng gamit kaya hindi nito agad nakausap ang pamilya niya. “I didn’t see the barrier. Yung mga taong nakapulot sa akin, kung sino man sila, nasa kanila yung wallet ko,” ani Markus.