• Home
  • Fresh Scoops
  • Chito Roño aminadong choice niya si JC Santos na maisama sana sa pelikula.

Chito Roño, inamin ang totoong dahilan kung bakit nawala si JC Santos sa cast ng ‘Ghost Bride’

Chito Roño aminadong choice niya si JC Santos na maisama sana sa pelikula.

BY
Leo Bukas

Twitter: @leobukas

FRESH SCOOPS

09/05/2017 08:28 AM
Chito Roño, inamin ang totoong dahilan kung bakit nawala si JC Santos sa cast ng ‘Ghost Bride’
Photo credits to the owners

 

Hindi pa alam ni Direk Chito Roño kung kailan ipapalabas ang pelikulang Ghost Bride ng Star Cinema na katatapos lang niyang gawin. Pinagbibidahan ang Ghost Bride nina Kim Chiu, Matteo Guidicelli at Christian Bables.

“Hindi ko pa natanong sa Star kung kailan. Hindi pa naman sila nagsabi sa akin,” pahayag ni Direk Chito sa PUSH.


Kasama sa original cast ng pelikula si JC Santos, pero natanggal ito.

“Yung schedule talaga ni JC ang naging problema,” lahad ni Direk Chito sa dahilan kung bakit nawala si JC sa cast.

Patuloy niya, “Well, magulo kami kasi nga, na-move nang na-move yung kanyang schedule. Nagsusyuting na siya ng ibang pelikula non, eh.

“Sa original schedule namin sa kanya, hindi pumasok kasi may election pala sa Nepal. Doon kami magsu-shoot. Eh, sinabihan kami ng producer namin do’n na ‘wag kayong magkakamaling pumunta ng eleksyon kasi parang Pilipinas pala ang level ng election doon – yung mainit, magulo.

“Yung unang schedule pa lang namin doon sa Nepal may religious festival yung mga monks. Basta lahat ng temple don, lahat ng monks hindi pumuwede. Kasi pumunta yata yung pinaka-cardinal nila,” kuwento niya.

Hindi ba siya na-disappoint na hindi natuloy si JC sa movie niya?

“Choice ko siya. But there will be another time, alam ko naman yon. Magaling naman si JC.

“I know him, I think nakasama siya ng mga boys (Streetboys) before. Kilala siya ng Streetboys, eh. Magkasama sila sa Universal Studios before bago siya lumipat ng Hong Kong,” kuwento ulit niya sa PUSH.

Dagdag pa ng premyadong direktor, “I like him, gusto ko rin yung attitude niya na very positive. Ang saya-saya pa ng mukha niya, di ba?

“Yon lang, marami siyang… kasi nga artist siya – may teatro, may indie. I am not ano, kasi siyempre, ginusto niya yon. Ayoko namang gumulo pa ang schedule niya dahil sa akin,” sambit pa niya.

Ang karakter na ginampanan ni Christian ang dapat sana ay kay JC.

“Si Mateo (Gudicelli) talaga nandidiyan na. Kasi yung role ni JC na napunta kay Christina ay sa Nepal lang.

“So, kailangan ko siya do’n ng 15 days yata kaya nga lang hindi na nagpuwede si JC kasi ginagawa na niya noon ang Stella (100 Tula Para Kay Stella). Na tama lang naman kasi successful yung movie.”

Gaganap si Matteo bilang fiancé ni Kim sa Ghost Bride.

“Actually, pantay-pantay lang naman ang role nila ni Christian. Kasi ang nangyari sa Ghost Bride, pag pumasok si Matteo, halos dire-diretso si Matteo. Pag pumasok si Christian, halos dire-diretso rin. Hindi nag-overlap yung dalawa,” saad pa niya.

Samantala, wala rin munang balak magdirek ng teleserye si Direk Chito.

“Wag muna. May plano ako pero may wino-workout muna ako. I don’t know… titingnan ko,” pagtatapos niya sa PUSH.