Guji Lorenzana, ibinahigi ang lessons na natutunan sa pakikipagrelasyon kay Kaye Abad

Ano ang natutunan ni Guji Lorenzana sa kanyang breakup?

BY
Leo Bukas

Twitter: @leobukas

FRESH SCOOPS

09/03/2017 08:59 AM
Guji Lorenzana, ibinahigi ang lessons na natutunan sa pakikipagrelasyon kay Kaye Abad
Photos credit to gujilorenzana/kaye_abad IG

 

Bago sinubukan ni Guji Lorenzana ang sumali sa Tinder kung saan nahanap niya ang babaing napangasawa at pinakasalan–si Cheska Nolasco–ay dumaan muna siya sa pagiging broken-hearted.

Huling nakarelasyon ni Guji ang aktres na si Kaye Abad na asawa naman ngayon ng ex-PBB housemate na si Paul Jake Castillo.


“Nag-Tinder ako, nagpakasaya. I went out with my friends, ginawa ko yung mga ginagawa ng boys after a breakup.

“Tapos na-realize ko rin after that na, ‘Why did she break up with me? Hey, there must be something wrong.’

“Yun, inayos ko ang buhay ko, naging seryoso ako sa buhay, naging seryoso ako sa love at hinanap ko talaga kung ano ang passion ko. So, I started writing music, I started writing scripts, I started working on myself,” kuwento ni Guji kung paano siya naka-move-on sa past relationship.

Eh, bakit nga ba sa palagay niya ay hindi tumagal ang relasyon nila ni Kaye?

“Feeling ko noong naging kami, hindi pa siya ready na makapasok sa isang relationship. Ako naman, sa sobrang na-in love ako kay Kaye, na hindi ko talaga nakita na iyon ang magiging ending namin, na magbi-break kami,” pahayag ng singer-actor.

“I think, after a while na na-realize ko, na-realize niya rin na after many years hindi pa siya ready, na mali pala yung pagiging kami, kaya yun.

“Ako naman, iba yung feeling ko because sobra akong na-in love,” dagdag pa ni Guji.

Inamin din ni Guji na ibang klase talaga siyang ma-inlove?

Aniya, “Noong naging kami, naging very involved ako sa kanya. Parang nakalimutan ko ang sarili ko.

“If you've noticed, yung mga picture ko dati, medyo tumaba ako, parang hindi ako nagti-take care sa sarili ko. I wasn't concentrating sa work, parang concentrated lang ako sa lahat ng gusto ni Kaye.

“And that's when I realized na dapat I shouldn't have done that, na dapat naging lalaki ako.Dapat naging seryoso ako sa work, sa buhay, sa lahat,” kuwento  niya sa PUSH.

Okey na raw sila ngayon ni Kaye lalo pa nga’t meron na silang kani-kanyang pamilya.

“Minsan nagti-text. Like, nung nag-propose ako sa wife ko, nag-text siya na ‘congratulations,’ ganyan.

“And nakita ko na nagla-like siya sa mga posts ko, and sa posts ng family ko. So, very much involved pa rin naman siya sa family ko,” sambit pa niya.

Maging ang makatrabaho ulit si Kaye ay okey din daw sa kanya.

“Oo naman. But si Paul Jake, I don't think na showbiz pa siya, e. But si Kaye, there's a chance if ever.

“Magaling kasi si Kaye, and if there's a chance na magka-work kami, okey lang sa akin,” pagtatapos ni Guji sa interbyu ng PUSH.