Balik Pilipinas ngayon ang singer na si Mark Bautista matapos ang US staging ng Here Lies Love the musical.
Sa kanyang pagbabalik bansa, muling pagtutuunan pansin ni Mark ang pagbalik sa music scene.
"Yes as of now may mga ginagawa akong mga songs pero magre-release muna ako ng single," sabi ni Mark.
Bukod sa pagbabalik sa music scene, pinagka-abalahan ni Mark ang kanyang upcoming book.
"Actually nasulat ko siya, sinulat ko siya, memoirs and malalaman pa nila siguro at makikilala pa nila ako ng mas maigi," ani pa ni Mark.
Kuwento pa ng singer-actor, naging pastime niya ang pagsususlat para sa kanyang libro noong unang beses siya umalis papuntang London para sa staging noon sa Here Lies Love.
"Nag-start siya nung nasa London ako and natigil siya nung nag-break ako. And then nung bumalik ako sa Seattle for the show, natapos ko siya habang may oras ako doon and now I'm so happy kasi natapos ko siya and anytime soon mailalabas na siya," pagtatapos na pahayag ni Mark.