• Home
  • Fresh Scoops
  • Di din naiinggit si Michelle Vito sa mga big break na nabigay sa kanyang close friend na si Liza Soberano.

EXCLUSIVE: Michelle Vito naapektuhan sa mga projects na di natuloy

Di din naiinggit si Michelle Vito sa mga big break na nabigay sa kanyang close friend na si Liza Soberano.

BY
Leo Bukas

Twitter: @leobukas

FRESH SCOOPS

09/28/2017 11:42 AM
EXCLUSIVE: Michelle Vito naapektuhan sa mga projects na di natuloy

 

Katulad ng maraming baguhang artista sa showbiz ay aminado si Michelle Vito, isa sa mga bida ng horror film na The Debutantes, na nakaramdam din siya ng frustrations kapag hindi natutuloy ang mga projects na dapat sana ay sa kanya na ibibigay.

Aniya, “Yung iba po na dapat ako na po, biglang pag look test nababataan sa akin, kasi yung roles po kasi medyo sexy or something or medyo mature.


“Siyempre sobrang lungkot and nakaka-down talaga. Kasi minsan, yung mga projects, actually dalawang projects yon na supposedly masasabi ko na ‘Ah, baka ito na yung biggest break ko’ tapos biglang hindi matutuloy. Siyempre, malungkot, nakakaiyak, ganyan,” pagtatapat ng dalaga sa PUSH.

Pero magkaganun man ay hindi raw siya sumuko kahit na paminsan-minsan ay sumasagi sa isip na huwag na lang mag-artista.

“Umabot ako sa point na, ‘Ay, ayoko na.’ Pero siyempre, nararamdaman ko po siguro yon dahil fresh pa yung pain na na-reject ako. Pero ito rin kasi yung gusto kong gawin, eh, umarte talaga.

“Naisip ko na rin ngang mag-quit lalo na yung mga times na nawawala sa akin yung mga projects. Tapos akala ko, may gagawin na ako. Ang tagal kong naghihintay ng trabaho tapos may dadating pero biglang hindi naman matutuloy,” bulalas niya.

Hindi raw naman siya naiinggit sa very close friend niyang si Liza Soberano na nabigyan na ng big break sa movies.

“At least meron na po akong The Debutantes. Biggest break ko na rin po ito sa movie,” sey pa niya.

Pangatlong pelikula na ni Michelle ang The Debutantes. Naging part siya noon ng Pagpag at I Love You To Death.

“Kahit hindi po ako katulad ni Liza (Soberano) na sobrang nabibigyan ng big break, siyempre, kahit papaano, may binibigay naman ang Star Magic sa aking projects kahit hindi ganun kalaki or sabihin natin na kasing bongga na katulad ng iba.

“Siyempre, thankful pa rin ako don sa maliliit na binibigay nila sa akin, kahit na supporting roles. Masaya pa rin ako don,” lahad niya sa PUSH.

Samantala, with regards to her personal life, inamin ni Michelle na hindi pa siya nagkaka-boyfriend hanggang ngayon. Dahil ba ito sa tatay niyang pulis?

“Hindi naman po. I mean, desisyon ko din yon,” sey niya.

“Parang hindi ko gusto na may lumalapit sa akin, may nanliligaw sa akin. Parang once in a blue moon kung magkakagusto ako and siguro if nagkagusto ako, yon na yon, parang siya na lang.

“Pag may nanliligaw po sa akin, pag naramdaman ko na may something sila, na gusto nang manligaw, parang ako na yung ‘Ops, wait lang, ganyan.’ Ayoko pa.”

Pero hindi raw naman siya takot magka-boyfriend.

“Hindi naman po ako takot, pero sa ngayon po talaga ayoko munang magka-boyfriend or ayoko po munang isipin yon. Kasi siyempre, nag-aaral ako, tapos work, kailangan ko munang unahin ang family ko.

“Parang pag sinama ko pa yung boyfriend, saan ko siya ipapasok? Baka ma-stress lang ako sa mga naririnig ko about love life kaya wag na lang. Tsaka sina mommy din po talaga sobrang strict sa akin, na bawal po talaga,” rason ni Michelle.

Samantala, showing na ang The Debutantes on October 4 mula sa direksyon ni Prime Cruz at produced ng Regal Entertainment.

Kasama ni Michelle sa pelikula sina Sue Ramirez, Miles Ocampo, Chanel Morales at Jane de Leon.