• Home
  • Fresh Scoops
  • Michelle Vito, aminadong maraming pumipilit sa kanya na sumali sa beauty pageant.

EXCLUSIVE: Michelle Vito, gustong sumali ng Binibining Pilipinas pero takot mag-swimsuit

Michelle Vito, aminadong maraming pumipilit sa kanya na sumali sa beauty pageant.

BY
Leo Bukas

Twitter: @leobukas

FRESH SCOOPS

09/15/2017 09:49 AM
EXCLUSIVE: Michelle Vito, gustong sumali ng Binibining Pilipinas pero takot mag-swimsuit

 

Ayon sa isa sa lead stars ng horror film na The Debutantes na si Michelle Vito, marami talaga ang nag-i-encourage sa kanya na sumali sa national beauty pageant tulad ng Binibining Pilipinas. Maging ang co-stars niya raw sa The Debutantes na si Sue Ramirez at ang mga kasamahan sa Star Magic ay pinipilit siyang sumali.

“Actually, lagi po nilang sinasabi sa akin na sumali ako. Ang dami pong namimilit sa akin na sumali ako ng Binibini kahit sina Sue, RM (road managers) sa Star Magic.


“Nung nanalo si Ate Megan (Young), na-feel ko na gusto kong sumali, pero siguro hindi pa ngayon. Hindi ko kinu-close yung door na puwede akong sumali ng beauty pageant, ganyan, pero hindi muna ngayon,” simulang kuwento ni Michelle who is turning 20 years old sa October.

Eh, kelan niya balak sumali?

Sagot ng dalaga sa PUSH, “Siguro pag nag-twenty three ako o baka two years from now baka mag-train ako, baka may chance. Basta hindi ko lang kino-close yung door ko na baka sumali ako.”

Ibinahagi rin ni Michelle sa PUSH kung ano ang talagang kinatatakutan niya sa pagsali sa Binibining Pilipinas.

“Kasi pag iniisip ko yung swimsuit parang… Ayokong mag-two-piece sa harap ng madaming tao,” pagtatapat niya.

“Hindi ko pa nata-try mag-bikini kahit pag lumalabas ako na magbi-beach or something. Takot ako sa swimsuit. I mean, baka hindi ako maging confident na kapag nag-swimsuit ako.

“Hindi ko iniisip yung body, pero yung parang nakahubad ako or something na naka-panty at bra ako tapos sobrang dami ng tao parang hindi ko makakaya.

“Pag sinasabi sa akin na mag-Binibini ka, sabi ko, ‘Ayokong mag-swimsuit sa harap ng madaming tao.’ Tapos ang lamig,” tuluy-tuloy pa niyang pahayag.

Sa tingin ba naman niya ay kakayanin niya ang question and answer part ng beauty pageant?

“Puwede. Tsaka siyempre, yung mga questions parang paulit-ulit lang naman, halu-halo lang,” confident niyang pahayag.

Patuloy pa niya, “Siguro habang nagti-training ako, mga one year yon, aaralin mo na lahat ng possible questions.

“Hindi ako kinakabahan don, sa mga tanung-tanong na yon, sa swimsuit talaga,” diin ulit ni Michelle.

Hindi rin daw magiging problema sa kanya ang pagrampa sa stage.

“Ay, bet ko yon, yung pagrampa, yung long gown. Yung swimsuit, puwede siguro sa mga pictorial or photo shoot, pero yung maglalakad ako tapos ang daming tao, takot ako, hindi ko talaga kaya yon,” tila natatakot niyang pahayag.

Samantala, kasama rin ni Michelle at Sue sa The Debutantes sina Miles Ocampo, Chanel Morales at Jane de Leon. Ang pelikula ay prinodyus ng Regal Entertainment under the direction of Prime Cruz.