Inigo Pascual nagdalawang-isip nga ba sa magiging role sa MMK?

Inigo Pascual masaya na nakatrabaho si Maris Racal.

BY
Jeff Fernando

Twitter: @showbizjeff

FRESH SCOOPS

08/05/2017 09:54 AM
Inigo Pascual nagdalawang-isip nga ba sa magiging role sa MMK?

 

Magsasama sa unang pagkakataon ang tambalan nila Inigo Pascual at Maris Racal para sa isang episode ng Maalaala Mo Kaya ngayong Sabado, August 5.

Ito ang unang pagsasama ng MarNigo tandem sa telebisyon matapos mabuo ang kanilang tinaguriang accidental love team.


"The story is about love team, basically normal students fell in love with each other na dalawang beses naghiwalay sa isa't isa but in the end they still love each other," kuwento ni Inigo.

Aminado si Inigo na nagdalawang-isip siya na tanggapin ang proyekto dahil hindi daw niya nakikita ang sarili niya na umaarte.

"I like the story kasi sobrang simple niya. It's something different and ang tagal ko pong hindi umarte. Ang last ko po is And I Love You So pa and I little feel hesitant if I could still act. Actually it took me a while to really decide if I will do it or not. I mean, I was in a way turning down projects na," paliwanag pa ng binata.

Dagdag pa niya, mas gusto lamang muna niya na pagtuunan ng pansin ang kanyang singing career.

"I didn't really want to act anymore. Sabi ko hindi kasi ako yun e, hindi ako komportable na umaarte. Feeling ko hindi ko nailalabas yung passion ko unlike in music I'm really passionate with it," ani pa ni Inigo.

Nagdalawang-isip man sa pag-arte, hindi pa din natakot si Inigo na tanggapin ang Maalaala Mo Kaya role lalo na ng malaman niya na makakasama niya si Maris Racal.

"Sobra malaking bagay po iyon. Like what I've said it took me a while to decide if I'm going to take this project or not, but nung nalaman ko na she said yes I accept na the project kasi I've been waiting to work with her and people know that na gusto namin magkatrabaho and its an accidental love team ‘di ba po?" 

Inspirado din daw ngayon si Inigo dahil sa magandang pagtanggap ng mga tao sa kanyang musika.

"And with this episode po ng MMK, feeling ko with everything that's happening right now with my life, my music, and everything, somehow this gains so much confidence with myself and I feel more comfortable sa mga ginagawa ko po," pagtatapos na kuwento ni Inigo.