• Home
  • Fresh Scoops
  • Will Devaughn ikinuwento kong paano nagsimula ang kanyang modeling and acting career sa Pinas

Will Devaughn walang pagsisi na di agad naging sikat pagkatapos ng PBB

Will Devaughn ikinuwento kong paano nagsimula ang kanyang modeling and acting career sa Pinas

BY
Leo Bukas

Twitter: @leobukas

FRESH SCOOPS

08/26/2017 11:55 AM
Will Devaughn walang pagsisi na di agad naging sikat pagkatapos ng PBB
Photo credits to willdevaughn IG

 

Walang dugong Pinoy ang model-actor at former PBB housemate na si Will Devaughn. Ipinanganak siya sa Germany with a German mom and and an ex-military American father na isang Black American.

Ayon kay Will, wala raw siyang balak umalis ng Pilipinas kahit pa ikasal sila ng longtime girlfriend na si Roxanne Barcelo who happens to be his leading lady sa pelikulang I Found My Love In Sta. Fe na sila rin ang co-producer.


“Gusto ko pa rin dito. Feeling ko mas at home ako dito sa Pilipinas,” sambit niya sa PUSH.

Dagdag ni Will, “Ang Pilipiinas para sa akin it has the best of all worlds. It has the mountainous regions, the beach regions, kung gusto mong malamig punta ka ng Baguio. Tapos ang mga tao din dito napaka… I see the potential of the Philippines. Ang problema lang yung gobyerno.”

Taong 2006 ay nasa Pilipinas na si Will. Dito na rin siya sa bansa nakahanap ng modeling job hanggang naging artista.

“Meron akong kaibigan sa US na babae, naging close kami tapos lumipat siya dito. Tapos sinabi niya sa akin na, ‘Alam mo Will, baka we can reconnect, so kung gusto mo mag-try ka na lang dito sa Pilipinas ng modeling. Punta ka na lang dito baka you can be a model,” kuwento niya kung paano napunta ng Pinas.

“Dapat three weeks lang ako dito kaso yung first VTR ko for a toothpaste commercial nakuha ako agad, yon yung Close Up TVC. And at that time, hindi ko alam na yung Close Up commercial malaki pala yon. So after that, tuluy-tuloy na.

“After Close Up, gumawa ako ng McDo, tapos Jollibee, then Frenzy condoms. Tapos Pinoy Big Brother pa nung 2009. Nag-model din ako sa Bench, usually rampahan and commercial.

“Bumalik lang ako sa US noon for three months lang para makuha yung mga gamit,” detalyadong kuwento ng lead star ng I Found My Love In Sta. Fe.

Naisip ba niya na kung magaling na siyang mag-Tagalog noon ay baka mas sumikat siya sa showbiz?

“Alam mo naisip ko rin yan. Kaya lang, I feel that there is no such thing as regrets. So ang moment ngayon is still the perfect moment to get different opportunities sa buhay ko,” rason niya.

Dugtong ni Will, “Naisip ko rin yon, pero sabi ko, ‘Hindi, eh. Let’s say, kung magaling akong mag-Tagalog dati, for sure, we wouldn’t be here right now. For sure iba na yung path ng buhay ko. For sure wala akong movie kasama si Roxanne Barcelo.

“For sure, iba talaga yung daan ko. Honestly, masaya ako na hindi ako masyadong sikat because yung buhay ko very chill pa rin, steady lang.”

Naka-concentrate muna ngayon si Will sa promo ng I Found My Love in Sta. Fe na ipapalabas sa Cinelokal (SM Cinemas) on September 15. Hindi na rin daw siya active sa modeling.

“Ngayon hindi na masyado. Marami na ring bago saka parang okey na ako sa ganyan. Di naman sa nagsawa, pero parang let’s just give it to others muna.

“I guess, parang wala na akong masyadong gana to do that unless, of course, kung fashion designer kaibigan ko or I really like her or his design, then go talaga ako don. Pero just for the sake of doing it na pang raket lang, hindi, eh,” pagtatapos ni Will sa PUSH.