• Home
  • Fresh Scoops
  • Ryza Cenon inamin na wala pa silang matinding away ni Cholo Barretto.

EXCLUSIVE: Ryza Cenon idinetalye kung paano nag-umpisa ang relasyon nila ni Cholo Barretto

Ryza Cenon inamin na wala pa silang matinding away ni Cholo Barretto.

BY
Leo Bukas

Twitter: @leobukas

FRESH SCOOPS

08/11/2017 09:47 AM
EXCLUSIVE: Ryza Cenon idinetalye kung paano nag-umpisa ang relasyon nila ni Cholo Barretto

 

Mag-iisang taon pa lang ang relasyon ni Ryza Cenon at Cholo Barretto. Ayon sa bida ng Ang Manananggal Sa Unit 23B, hindi pa rin daw sila nagkakaroon ng matinding away.

“Parang boring nga, eh. Puro petty quarrels lang meron kami,” natatawa niyang pahayag sa PUSH.


“Sabi ko nga sa kanya, ‘Minsan naman mag-away tayo para may thrill.’ Siyempre, natatawa lang siya kasi parang ang weird ko ‘di ba?” sambit ni Ryza na pabiro.

Eh, kumusta ba naman bilang boyfriend si Cholo?

“Napakabait,” mabilis niyang sagot. “Sobrang sweet niya. Understanding at napakalawak ng pang-unawa niya sa lahat. Supportive pa sa lahat ng ginagawa ko kaya suwerte ako.”

Eh, paano nga ba nagsimula ang kanilang relasyon?

“Kasi kami, hindi talaga namin ini-expect ito, eh. Parang friend lang kami, ganyan, kwentuhan. First time ko siyang nakatrabaho ito sa Manananggal.”

Nagkaroon ba kaagad ng sparks nung nagkita sila?

“Desire nagkaroon,” pag-amin niya. “Tapos nagkadebelopan na. Iba talaga yung kay Cholo kasi parang nagkaintindihan kami sa isang bagay hanggang sa lumaki na, hanggang sa ‘yon na.

“Yung sparks na sinasabi nila, wala, eh. Kaya hindi nga namin ini-expect na ganun ang mangyayari. Kasi tinatanong ko din siya minsan, ‘Ikaw ba naisip mo na magiging tayo?’ Sabi niya, ‘hindi.’ Ako rin nga, hindi,” reaksyon niya.

Binanggit namin kay Ryza na sa last interview namin kay Cholo ay inamin nito na hangga’t maari ay gusto niyang siya na ang pakakasalan ng aktor.

“Naniniwala naman ako sa sinasabi niya. Pero siyempre, hindi naman natin alam ang mangyayari sa future, eh. Sa mga relationship ko po, lahat yan sinasabi ko po na sana sila na yung last.

“Pero may mga nangyayari na hindi mo ini-expect na yon yung magpapahiwalay sa inyo. So, ako, gusto ko sana siya na nga. Kasi ilang taon na rin ako, saka gusto ko rin naman siya. Love ko rin naman siya. Sana siya na nga,” pagtatapos ni Ryza sa PUSH.