• Home
  • Fresh Scoops
  • The actor turned TV host says he has done his best to stay visible in showbiz.

EXCLUSIVE: Marlo Mortel admits he misses acting

The actor turned TV host says he has done his best to stay visible in showbiz.

BY
Leo Bukas

Twitter: @leobukas

FRESH SCOOPS

05/21/2017 01:54 PM
EXCLUSIVE: Marlo Mortel admits he misses acting

Hindi man nabibigyan ng pagkakataong muling gumawa ng teleserye, napapanood naman si Marlo Mortel regularly sa morning show ng ABS-CBN na Umagang Kay Ganda.

Ayon sa aktor nang makausap siya ng PUSH, nami-miss na rin daw niya ang pag-arte.

“Nami-miss ko na nga, eh. For quite some time enjoy naman ako sa UKG, saka stable ako do’n, eh, hindi ako nawawala every day.


“Siguro kung career-wise, okay na ako na may UKG, then kailangan kong magbalik sa pag-arte so naghihintay lang ako ng tamang break.

“Hopefully po sa dati kong unit, sa GMO, sana meron. Hindi ko lang po alam kung ano,” pahayag ng binata.

Ang Oh My G! pa ang huling teleserye na ginawa ni Marlo sa ABS-CBN kasama ang dating ka-love team na si Janella Salvador.

“Two years na rin nga  po yon, matagal na rin. Pero happy naman po ako. Happy rin ako kay Janella kasi okay naman sila (ni Elmo Magalona). Pero siguro it’s time to step up,” say pa niya.

Aminado ba siya na naging matamlay ang career niya mula nu’ng nabuwag ang love team nila ni Janella?

“Actually, hindi ko naman kasi makokontrol, kasi management decision yon, eh. Kumbaga, wala talaga akong control at all kahit anong gusto kong mangyari,” sagot niya.

Patuloy ni Marlo, “Kung ako, gusto ko rin siyempreng mag-stay kung anong meron ako dati, di ba, pero ang inilaban ko na lang talaga is may talent ako.

“Kumbaga, kahit papaano, hindi ako nawawalan. Dahil sa UKG naging stable naman yung financial, hindi ako nawawalan ng raket kasi nakikita ako sa TV, iba nga lang yung market ko.

“And sa singing naman, hindi rin ako nawawalan ng raket dahil may Harana (group) and lagi akong may mall show dahil marunong akong kumanta. So, kumbaga, nagawa ko na yung part ko, eh.”

Ibinalita rin sa amin ni Marlon a kumuha na siya ng bagong manager bukod sa Star Magic.

“Kumuha ng personal manager, pero nasa Star Magic pa rin ako. First time na may magko-co-manage sa akin, si Jonas Gaffud ng Mercator.”

Hindi ba niya nami-miss magkaroon ng ka-love team?

“Ah, siyempre nami-miss ko rin. Pero kahit papaano kasi nakatayo pa rin akong mag-isa, eh. Hindi naman talaga ako naiwan nung nawalan ako ng ka-love team, nasa industry pa rin naman ako at kahit papaano, nakikilala ako as a host dahil sa sarili ko,” katwiran niya.

“Naiwan siguro ako in terms of love team, pero hindi ako napag-iwanan sa career. Kasi daily yung ginagawa ko at daily rin naman yung kita ko at exposure ko. So, hindi ako nawalan sa area na yon.

“Siguro, nawalan lang ako sa tingin ng tao kasi kapag hindi ka lumalabas sa primetime, akala nila wala ka na. But the thing is, iba naman yung napuntahan ko kasi nasa News (and Current Affairs) ako at nagho-host,” pagtatapos ni Marlo.