• Home
  • Fresh Scoops
  • Masaya si Roxanne Barcelo sa pag-viral ng sampalan scene nila ni Maja Salvador sa ‘Wildflower.’

EXCLUSIVE: Roxanne Barcelo aminadong nasaktan sa sampalan nila ni Maja Salvador

Masaya si Roxanne Barcelo sa pag-viral ng sampalan scene nila ni Maja Salvador sa ‘Wildflower.’

BY
Leo Bukas

Twitter: @leobukas

FRESH SCOOPS

05/15/2017 01:45 AM
EXCLUSIVE: Roxanne Barcelo aminadong nasaktan sa sampalan nila ni Maja Salvador
051517-RoxanneBarcelo_PUSH.jpg

Masayang-masya si Roxanne Barcelo habang ikinukwento na umabot na ng almost 3 million ang mga pinagsama-samang eksena ng away namin ni Maja Salvador – na Ivy vs. Nathalie – sa Wildflower series ng ABS-CBN.

“Sobrang natuwa ako kasi first time na nag-viral ako ng ganun. And ganun pala yon, kapag binigay mo yung todo mo ang tindi rin ng balik. Ang galing din kasi ni Maja, sobra talaga, parang ginanahan din ako nang bonggang-bongga sa kanya,” nakangiti niyang kuwento.

Sana nga raw ay makabalik pa ang kanyang karakter sa top-rating series.


“I’m looking forward to coming back. Ang tsika kasi babalik si Nathalie. Hindi raw puwedeng hindi bumalik si Nathalie,” say pa niya.

Nagkasakitan ba sila sa eksena ng sampalan, buhusan ng tubig at hulugan sa swimming pool?

“Yung totoo? Medyo masakit yung sa sampalan namin. Kasalan ko rin naman,  kasi tsinika sa akin ni Maja na ‘Hoy, baks (bakla), dadayaan ko na lang yung sampal.’ Sabi ko, ‘Huwag baks, mahirap tumiming.’ Kasi hindi pa kami nagkasampalan ever so hindi ko siya matatantya.

“Sabi niya, ‘Baks, malakas akong manampal.’ Sabi ko, ‘Tsika lang yan.’ Nung nasampal na ako, yung hiyaw ko parang wala naman sa cue ni Direk yon, pero ang sakit talaga,” natatawa niyang kuwento.

Hirit pa ni Roxanne, “Masakit  talaga, parang almost one week na pag hinahawakan ko (yung pisngi)…  hindi siya namula, pero parang nasa loob yung dugo. Masakit talaga. Namaga.”

Pero kahit mahirap magkontrabida gusto na raw niya itong gawing career talaga.

 “Uhaw akong maging kontrabida. Yon yung totoo, uhaw na uhaw ako. Masarap kasi yung range ng character, ang dami nyong napupuntahan. And na-introduce yung term na character actress sa akin just recently. Hindi ko siya naiintindihan before kasi sanay lang ako na pa-sweet,” sambit pa niya.

Samantala, isa si Roxanne sa mga bida sa international film na Way of the Cross ng Kaizen Studios na idinirek nina Gorio Vicuna at Antonio Diaz.

Ayon sa aktres, nag-audition siya for the role at masaya siyang natanggap kasama ng iba pang Filipino actors like Alvin Anzon, Rafael Rosell, Issay Alvarez Manuel Respall at marami pang iba.

“Super audition ako to the max. All English ang movie, eh. Pero ang gagaling talaga ng Pinoy mag-English, nagulat nga sila sa atin. Sabi nila, ang gagaling  ng Filipino actors and they are fluent and everyone understands, hindi sila nahihirapan dito at all.”

Ibang klaseng acting requirement din daw ang ipinagawa sa kanya sa Way of the Cross.

“Iba kasi yung acting na pang-Hollywood na kinukuda (sinasabi) niya sa amin. Well, it’s up to you kung ano yung technique mo, basta ayaw nila ng sumasabog palabas. Dapat sa loob ang sabog. Hindi siya yung intense all the way.”

Pahabol pa ni Roxanne, “Last year pa ako nag-audition dito. We did script reading, pero matagal na sa akin yung script. Hindi ko siya mabuksan kasi this movie is very disturbing, I was very hesitant in the beginning na gawin ito.”