Napapansin ngayon si 2017 Binibining Pilipinas International Mariel De Leon kaugnay ng kanyang pagiging outspoken sa kanyang social media accounts.

Una na dito ang tila malalaman na tweet ng beauty queen kaugnay sa mga nangyayari sa pamahalaan kabilang na ang pagkaka-appoint kay Mocha Uson bilang bagong PCOO Assistant Secretary.

Labis naman na ikinabahala ng mga fans ni Mariel ang kanyang naging mga pahayag ukol dito na umani agad ng iba’t-ibang reaksyon at komento.

Kung may mga hindi natuwa, mayroon din naman mga humanga at naniwala sa ipinaglalaban ni Mariel.

Sa huli nanindigan ang dalaga sa kanyang nais na ipinaglalaban ang bansa.

Samantala, bago pa man ito, puntirya na din ng isang basher ang larawan nila ng kapamilya actress na si Liza Soberano na naka-post sa Instagram nito noong linggom, May 7, sa ASAP.

Tila hindi napigilan ni Mariel na sagutin ang basher na sinabihang ginagaya niya ang itsura ni Liza.

Sa ngayon naka-off na ang comment section sa Instagram account ng dalaga at tuluyan ng burado ang mga komento sa kanyang mga post.