Kinoronahan na Miss Grand International 2017 si Maria Jose Lora ng Peru habang itinanghal naman na 2nd runner-up ang pambato ng Pilipinas na si Elizabeth Clenci. Nanalo naman na first runner-up si Tulia Aleman Ferrer ng Venezuela.
Tubong Cebu at may dugong Romanian, si Elizabeth lang ang natatanging Asian na pumasok sa final 5 ng kompetisyon.
Bago pa man ang coronation night, top favorite na si Elizabeth ng mga pageant enthusiast dahil sa bigay todo at karakter nitong pag rampa na tinawag pang "Hula-hoops Walk."
Bukod sa pagrampa pinahanga din ni Miss Philippines ang kanyang supporters dahil sa kanyang talino sa pagbibigay ng speech tungkol sa social issues.