Court of Appeals, pinayagang makapagpiyansa si Deniece Cornejo at dalawang kasamahan

BY
Joan Leary

FRESH SCOOPS

10/20/2017 10:22 AM
Court of Appeals, pinayagang makapagpiyansa si Deniece Cornejo at dalawang kasamahan
Photo credit: Deniece Cornejo Facebook

 

Pumanig ang Court of Appeals (CA) sa desisyon ng Taguig City Regional Trial Court (RTC) na makapagpiyansa sina Deniece Cornejo, businessman Cedric Lee, at Zimmer Raz. Ito ay para sa kasong serious illegal detention na isinampa ng kampo ni Vhong Navarro matapos mangyari ang isang insidente kung saan binugbog di umano ng kasamahan ni Deniece ang It’s Showtime host sa condominium ng modelo noong January 2014.

Nakalaya ang tatlo noong September 2014 matapos magpiyansa ng kalahating milyong piso. Umapela ang komedyante at ang Department of Justice (DOJ) sa desisyon ng Taguig City RTC na palayain sila ngunit ibinasura na ito ng CA dahil hindi raw nakapaglabas ng sapat na ebidensya sina Vhong at ang DOJ na umabuso si Judge Esperanza Paz Cortes ng Taguig RTC Branch 271 sa kanyang naging desisyon.


Kamakailan ay ibinasura ng DOJ ang rape cases ni Deniece laban kay Vhong.

READ: DOJ junks all rape cases filed by Deniece Cornejo against Vhong Navarro