• Home
  • Fresh Scoops
  • Ipinakita din ni Zsa Zsa ang kanyang engagement ring na ibinalik niya noon kay Conrad noong sila’y naghiwalay.

Zsa Zsa Padilla nagsalita na tungkol sa pagbabalikan nila ng fiancé na si Conrad Onglao

Ipinakita din ni Zsa Zsa ang kanyang engagement ring na ibinalik niya noon kay Conrad noong sila’y naghiwalay.

BY
Leo Bukas

Twitter: @leobukas

FRESH SCOOPS

10/02/2017 06:15 PM
Zsa Zsa Padilla nagsalita na tungkol sa pagbabalikan nila ng fiancé na si Conrad Onglao

 

Inamin ni Zsa Zsa Padilla nang makausap siya ng ilang entertainment press sa grand presscon ng pelikulang Bes and the Beshies na ang suot niyang singsing sa left hand ay ang engagement ring na bigay sa kanya ng fiancé na si Conrad Onglao.

Pansinin ang singsing dahil makinang at malaki ang bato nito. Ayon pa sa singer-actress, isa itong emerald cut diamond na two years ago pang ibinigay sa kanya ng boyfriend.


“Pero isinoli ko ito sa kanya nung nag-break kami. Siyempre, alangan namang isuot ko pa rin, eh, break na kami noon, di ba?

“Nu’ng naging kami na ulit, ibinalik niya ito sa akin,” kuwento ni Zsa Zsa.

Halos anim na buwan din daw tumagal ang kanilang paghihiwalay hanggang na-realize niya na gusto niyang makipagbalikan dito.

“I’ve never broken up with somebody and gone back to the person. So, it was a first for me, and it was difficult for me kasi, talagang kinailangan kong mag-healing sessions,” pag-amin niya.

Dagdag ni Zsa Zsa, “There was a lot also in my past that I had to forgive to come to terms with ’yung acceptance na ito ’yung gusto ko buhay ko and I had to stick to my decisions.”

Pakiramdam din daw niya ay parang kinain niya ang lahat ng sinabi niya noon sa desisyon niyang balikan si Conrad.

Aniya, “Nu’ng nagkabalikan kami, I felt a lot of shame, I have to admit. I was ashamed. Kasi first time ko nga, eh.

“Kumbaga, kasi, siyempre, parang the people closes to me, lahat ng sinabi ko, kinain ko, parang ganu’n, ’di ba? Kasi I was so sure na hindi na ako makikipagbalikan.”

Nakaplano na noon ang kasal nila ni Conrad pero nakansela ito nang maghiwalay sila. Matutuloy na ba ito ngayon?

“I cannot discuss pero may inaayos pa. I cannot talk about it,” sagot niya.

“Palagi kong sinasabi, magtatanan lang kami,” natatawa niyang sabi.

Mas gugustuhin rin daw niyang ipunin na lang nila ang perang gagastusin sa kasal dahil hindi na sila bumabata.

“It’s a reality, hindi ba habang tumatanda ka, ako, I can really say that, tanggap na tanggap ko na, sa edad ko, 53 by the way, so, naiisip ko talaga ’yung plano namin, pang-retirement.

“So naiisip ko na parang ipunin na lang natin ’yung pera at ilagay na lang natin sa negosyo para mas praktikal,” katwiran ng Divine Diva.

Samantala, bukod kay Zsa Zsa  ay kasama rin sa Bes and the Beshies sina Ai-Ai delas Alas, Carmi Martin, Beauty Gonzalez at Nikko Natividad. Ang pelikula ay sa direksyon ni Joel Lamangan at script ni Ricky Lee. Showing na ito Oct. 18 mula sa Cineko Productions and Regal Entertainment.