• Home
  • Fresh Scoops
  • Robin Padilla files libel case against social media user @krizzy_kalerqui, wants to know who she is

Robin Padilla files complaint against Twitter user Krizzy Kalerqui

Robin Padilla files libel case against social media user @krizzy_kalerqui, wants to know who she is

BY
Cristina Malonzo-Balane

Follow me @cristinatampepe

FRESH SCOOPS

05/13/2016 12:46 PM
Robin Padilla files complaint against Twitter user Krizzy Kalerqui
051316-RobinPadilla_PUSH.jpgSa ulat ni Ginger Conejero sa TV Patrol, lumapit ang aktor na si Robin Padilla sa National Bureau of Inverstigation (NBI) para tulungan siyang hanapin ang naninira sa kanya sa social media. Kasama ang kanyang abogado na si Atty. Rudolph Jurado, nagpasa ng complaint request si Robin para hanapin ang social media user na si @krizzy_kalerqui.

Nagkomento sa picture ni Robin si @krizzy_kalerqui na election offence diumano ang larawan na pinost ng aktor. Dapat din daw ikulong si Robin dahil lahat ay sakop ng batas. Ang tinutukoy ni @krizzy_kalerqui ay ang larawan ni Robin ng isang sample ballot na nakashade in ang kanyang sinusuportahang kandidato.

Ayon sa kampo ni Robin, libelous sa ilalim ng Cyber Crime Prevention Act ang komento ni @krizzy_kalerqui. Paglilinaw din ni Atty. Jurado na hindi totoo ang akusasyon ni @krizzy_kalerqui at wala ring violation na ginawa si Robin. “Una, yung ballot is not an official ballot and it was not taken inside the polling precinct. Take note also na hindi naman talaga nakaboto si Robin.” 

Nawalan ng karapatang bumoto si Robin dahil sa pagkakakulong niya noong 1994 dahil sa kasong Illegal Possession of Firearms. 

Personal ang laban na ito para kay Robin dahil naungkat ang kanyang pagiging ex-convict, isang bagay na kinailangan pang ipaliwanag ni Robin sa kanyang anak. “Kailangan ko pang ipaliwanag sa anak ko na ‘Anak, wala pa akong voting rights. Anak, wala akong civil rights. Anak, ex-convict ako.’ Ang hirap sabihin non.” 

Paalala pa ni Robin, “may sinabi tayong maging responsible po tayong totoo. Ang sinasabi natin hindi ko po inaalis sa mga tao na maging revolutionary tayo, ipaglaban natin kung ano yung gusto natin. Pero bago po tayo makarating dun, kailangan maging totoo po muna tayo.”

Pursigido naman si Ronald Aguto, Chief and Head Agent ng Cyber Crime Division ng NBI, na tulungan si Robin. “It will be very challenging but that's what we’re going to do. We’re going to put a real name or an identity on the name.”