EXCLUSIVE: Jason Francisco admits they aren’t planning to have another baby just yet

Leo Bukas

<div><img src='' alt='042016-JasonFrancisco_PUSH.jpg' width='400' height='290' align='left' border='0'>Parehong abala sa kani-kanilang trabaho ang mag-asawang Jason Francisco at Melai Cantiveros. Monday to Friday ang morning show ni Melai na Magandang Buhay bukod pa sa taping niya ng <i><a href='http://wewillsurvive.abs-cbn.com'>We Will Survive</a></i>. Si Jason naman ay kasama sa <i><a href='http://mysuperd.abs-cbn.com'>My Super D</a></i> na MWF ang taping.</div><div><br/></div><div>Pero ayon kay Jason, kahit super busy silang mag-asawa, nagagawa pa rin nilang mag-bonding at bigyan ng panahon ang anak na si Baby Mela.</div><div><br/></div><div>“Suwerte, kasi after <a href='onthewingsoflove.abs-cbn.com'><i>On The Wings of Love</i></a>, may bagong show agad ako. Nagkikita na nga lang kami minsan ni Melai pag-uuwi na lang ng gabi.</div><div><br/></div><div>“Minsan naman pinupuntahan ko siya sa set. Isinasama ko yung baby kasi nami-miss niya. O kaya pag may mahabang time siya, uuwi muna ng bahay.</div><div><br/></div><div>“Yung panahon sa bata, hindi naman nawawala. Kailangan talagang bigyan din talaga ng time. Binibigyan namin ng time,” dire-diretsong kuwento ni Jason sa Push.com.ph.</div><div><br/></div><div>Patuloy pa niya, “Actually, Sunday talaga yung aming family day. Pagkatapos magsimba, gagala, magdi-dinner.”</div><div><br/></div><div>Masaya ring ibinahagi ni Jason na Melai na Melai ang kilos ng anak nila who turned two years old nu’ng April 3.</div><div><br/></div><div>“Yung attitude niya saka mga kilos niya, mamang-mama niya. Ginagaya niya ang mama niya. Tapos nagma-mommy D (Dionisia) na rin siya. Marunong na siyang manggaya. Nakakatuwa,” pagmamalaki ng aktor.</div><div><br/></div><div>Eh, wala pa ba silang balak sundan ang panganay?</div><div><br/></div><div>“Wala pa muna. Enjoy-enjoy muna. Siguro bahala na ang Diyos kapag three years old na siya o ano. Pero iniisip din talaga namin kung kaya pa ba namin ng isa pa. Yon kasi ang kailangan mong isipin, eh.</div><div><br/></div><div>“Actually, lahat pinaplano namin talaga. Sobra kaming magplano. Madalas lang kaming nagbibiruan pero seryoso kami sa buhay,” natatawang sabi pa niya.</div><div><br/></div><div>Papayagan ba nilang mag-showbiz si Baby Mela?</div><div><br/></div><div>“Hindi ko alam, eh. Depende po sa bata kung gusto niya, pero hangga’t maari, gusto ko na mag-aral muna siya,” sagot ni Jason.</div><div><br/></div><div>Meron din daw silang sinusunod na family planning method ngayon.</div><div><br/></div><div>“Kasi di ba, nauna yung baby bago kami ikasal, buo na siya. Nag-break kami non tapos nagkita at dahil sa sobrang pagmamahal, yon na, tumodo na. Ngayon, hinay-hinay lang muna kami.</div><div><br/></div><div>“At saka ako, alam ko naman kung paano yon (family planning). Alam din naman ni Melai kung kailan dapat at hindi dapat (mag-sex),” medyo nahihiya niyang sabi sa <a href='Push.com.ph'>Push.com.ph</a>.</div>

Jason Francisco also reveals daughter Mela now knows how to imitate mom Melai Cantiveros and Mommy Dionisia.

EXCLUSIVE: Jason Francisco admits they aren’t planning to have another baby just yet | PUSH.COM.PH