EXCLUSIVE: Eric Nicolas on being ‘less popular’ among other YFSF performers: ‘Aware ako do'n!’

Leo Bukas

<div><img src='' alt='091015-eric2_main.jpg' width='400' height='290' align='left' border='0'>Hindi ini-expect ni Eric Nicolas na mapapabilang siya sa top 8 celebrity performers sa bagong season ng <i>Your Face Sounds Familiar</i>. Sa edad niya ngayon, hindi raw niya inakala na mabibigyan pa siya ng ganu’ng pagkakataon.</div><div><br/></div><div>“Alam mo, sa totoo lang talaga, hindi ko na hinahangad na maging artista talaga. Ang gusto ko talaga, sa likod ng kamera tapos continuous na everyday may trabaho ako.</div><div><br/></div><div>“Gusto ko lang kumita. Kasi para sa akin, tanggap ko na, eh. Sa edad kong ito, malabo na talaga...” pahayag ng tinagurian ding Komikero ng Masa sa <i>YFSF.</i></div><div><br/></div><div>Dating nagtatrabaho si Eric na <i>stand-up comedian</i> sa mga comedy bars hanggang nabigyan siya ng break sa TV.</div><div><br/></div><div>“Nakita ako ni Willie (Revillame), kinuha niya ako sa show. Naging jester ako, tapos nung nagje-jester ako sa Wowowee, nagustuhan naman ako ng staff.”</div><div><br/></div><div>Aware ba siya na sa walong celebrities na kasali sa <i>YFSF</i> ay siya ang maituturing na less popular?</div><div><br/></div><div>“<i>Aware </i>ako. Tinitingnan ko nga rin po yung Instagram, eh, lahat sila nandon. Ako, ni isang pangalan ko wala. Pero okey lang yon. Ini-<i>expect</i> ko yon, na talagang sikat sila. Kasi sila yung nauna, eh.</div><div><br/></div><div>“Ako, likod lang ako ng kamera at okey din lang naman ako don. Kaya lang, dahil nga dito sa <i>Your Face</i>, nag-i-<i>effort</i> ako ngayon, pero hindi <i>to shine</i>, kundi para kahit papaano ay makasabay sa kanila,” <i>very humble</i> pa niyang pahayag.</div><div><br/></div><div>Ini-expect ba niya na sisikat siya this time at mapapansin na sa showbiz dahil sa <i>YFSF?</i></div><div><br/></div><div>“<i>Honestly,</i> hindi ko ini-<i>expect</i> yon, eh. Ang ini-<i>expect</i> ko lang talaga, eh, makasabay ako. Tapos makilala ng konti, ganu’n lang. Hahaha!” natatawa niyang pahayag.</div><div><br/></div><div>Wala naman daw siyang nararamdamang pressure na nakasama niya sa contest ang 7 equally talented celebrities.</div><div><br/></div><div>“Napi-pressure ako nung una pero ngayon hindi na. Kasi, masaya na silang kasama. Nu’ng una, ilang ako dahil artista sila, pero napakasarap nilang kasama, ang saya,” sey pa niya.</div><div><br/></div><div>Samantala, para kay Eric, sina Michael Pangilinan at Sam Concepcion ang itinuturing niyang matinding kalaban sa programa. Pero hindi rin daw niya ina-underestimate ang kayang gawin ng mga babaeng performers.</div>

EXCLUSIVE: Eric Nicolas on being ‘less popular’ among other YFSF performers: ‘Aware ako do'n!’ | PUSH.COM.PH