• Home
  • Fresh Scoops
  • EXCLUSIVE: Chivas Malunda of PDA wants to give the music industry another try

EXCLUSIVE: Chivas Malunda of PDA wants to give the music industry another try

Chivas Malunda of Pinoy Dream Academy 2 wants to try his luck at a music career again.

BY LEO BUKAS

Twitter: @leobukas

FRESH SCOOPS

12/3/2015 4:18 AM
EXCLUSIVE: Chivas Malunda of PDA wants to give the music industry another try


120215-chivas_main.jpgSi Chivas Malunda ang unang natanggal sa Pinoy Dream Academy Season 2 noong 2008 due to health reasons. Ka-batch niya sina Bugoy Drilon, Laarni Lozada at Liezel Garcia.

Bakit nga ba siya biglang nawala at hindi na ipinagpatuloy ang pagkanta?

“Umuwi ako ng Dumaguete para magpahinga. Tumulong din ako sa business ng daddy ko (import-export),” kuwento ni Chivas sa Push.com.ph.

Pero ayon sa kanya, hindi naman siya totally nawala.

“Sa TV lang siguro ako nawala, pero kumakanta-kanta pa rin ako, nag-a-out-of-town shows, ganu’n. Focus ako sa music nu’ng time na yon, hindi ako masyado sa TV,” pahayag pa niya.

Matagal nang plano ni Chivas na i-revive ang kanyang singing career kaya sinubukan niyang mag-auditon sa The Voice.

“Nag-audition ako noon, kaya lang walang umikot na judge sa akin,” pag-amin niya.

Ikinalungkot daw niya ang pangyayari.

“Medyo na-depress ako,” pagpapatuloy niya. “Then nag-WCOPA ako after three months, kasama ako ng mga delegates na nag-compete sa California nu’ng 2013,” dagdag pa niya.

Hindi ba siya na-frustrate na hindi niya naabot ang status nina Bugoy, Laarni at Liezel bilang singer?

“Noon naman kasi, when we started, mas nag-a-ASAP pa ako non kasi ako nga yung unang nabigyan ng opportunity na kumanta ng mga theme songs, eh.


120215-chivas_main.jpg“Naranasan ko rin naman yon. Pinakanta nila ako ng theme song ng Fear Factor, Flash Bomba. May mga pinakanta pa sila sa akin.

“Pag nag-a-ASAP ako kasama ko sina Yeng (Constantino) dati. So, when it comes to the achievement and all, alam ko naman kahit papaano, na-ano ko naman. Siguro hindi lang na-sustain, ganu’n,” paliwanag ni Chivas.

Chivas is married to Bunny who is also a PDA scholar.

“Three years na kami ni Bunny bago pa kami nag-PDA. Mag-asawa na kami no’n so matagal-tagal na rin kami talaga. Meron na rin kaming anak.”

Ayon pa sa kuwento ni Chivas, hindi na raw babalik sa pagba-banda at pagkanta ang asawa niya. Meron na raw kasi itong bagong propesyon bilang flight attendant.

“Ako na lang ang susubok ulit. Sana mabigyan ulit ako ng chance and opportunity,” pagtatapos ni Chivas.