Kaugnay naman ng kontrobersyal na pandarayang naganap sa The Biggest Loser Pinoy Edition Doubles, ikinwento ng host ng naturang show na kaya nakapuslit ang mga “contraband” sa camp ay dahil diumano nagkaroon ng mid-season break at pag balik naipasok ang sigarilyo, slimming tea, at ang pera. At dahil may pera, nakakabili sila ng pagkain tuwing tumatakbo sila sa labas ng camp. Dumaan naman daw sa inspeksyon ang mga bag ng contestants ngunit hindi na natingnan ang kasuluk-sulokan ng mga gamit nito.
Kwento pa niya, nagsimula lang maghinala ang staff ng contest nang may isang contestant na nagpasaring. Naging mahirap diumano ang pangyayari sa lahat. Maraming nakaramdam na nadaya sila at maging ang mga nandaya ay apektado ng ma-realize nila ang “gravity” ng ginawa nila. Nag-break down din diumano si Coach Toni Saret. Ayon kay Iza, malaking dagok ito sa mag-asawang coaches na sina Toni at Jim Saret sapagka’t halos araw-araw nilang nakasama ang mga contestants. Malaking panghihinayang ang naramdaman ng dalawa sa nangyari.
Sa usapin naman ng cheating, napag-usapan ang character ni Iza sa pelikulang Starting Over Again. Ayon kay Boy Abunda, limang eksena lang ang ginampanan ni Iza sa pelikula ngunit nagmarka ang kanyang karakter na si Patty. Hindi alam ni Iza kung kaya niyang gawin ang ginawa ni Patty ngunit sa dulo, “whatever is fair, kung sa tingin mo pwede mo pang bigyan ng pagkakataon..It becomes a choice.”