• Home
  • Fresh Scoops
  • Mommy Raquel feels helpless towards Charice's transformation

Mommy Raquel feels helpless towards Charice's transformation

Charice's mom Raquel Pempengco expresses her sentiments on the international singing sensation's way of self-expression.

BY MIKA ESPERANZA

FRESH SCOOPS

3/5/2013 10:20 PM
Mommy Raquel feels helpless towards Charice's transformation


030513-charice_main.jpgInamin ng ina ni Charice na miss o hinahanap-hanap din niya ang dating style ng anak.

Sa panayam ng ABS-CBNnews.com nitong Lunes, inamin ni Raquel na miss niya ang "inosenteng" itsura ng kanyang dalaga.

"Noon kasing menor de edad pa siya, ako ang nagde-decide para sa kanya—'yung ayos ng buhok, pananamit at mga friends. Siyempre nakaka-miss 'yon, inosente sa ayos. But now ang laki kasi ng pagbabago na kahit ako walang magawa," ani Charice.

Pero ayon kay Raquel, tanggap niya na may sarili nang diskarte ang kanyang anak lalo't mag-22 taong gulang na ito sa kanyang kaarawan sa Mayo.

Payo lang ng ina sa singer na huwag nitong kalimutan ang mabubuting ugaling Pinoy na kinalakihan.

"Kasi sa U.S. kapag 18 years old na, wala ng karapatan ang magulang. Pero remind ko lang kay Cha (palayaw ni Charice) na ipinanganak ko siya dito at pinalaki sa ugaling Pilipino. Sana ay huwag niyang kalimutan yon," dagdag ni Raquel.

Matatandaang ilang pagbabatikos ang hinarap ni Charice simula noong nakaraang taon dahil na din sa pagputol niya ng buhok, pagkulay dito at paglalagay din ng tattoo.