Sarah Geronimo rejects Coco Martin's feelers in the past

Coco Martin reveals that Sarah Geronimo refused to entertain him as a potential suitor; but the Popstar Princess says otherwise.

BY MIKA ESPERANZA

FRESH SCOOPS

2/5/2013 10:57 AM
Sarah Geronimo rejects Coco Martin's feelers in the past


020513-sarah_main.jpgInamin ng aktor na si Coco Martin na minsan din siyang napalapit kay Pop Star Princess Sarah Geronimo.
"Sino bang leading man mo ang hindi nagkagusto sa iyo?" paunang tanong ni Martin kay Geronimo sa guesting niya sa Sarah G Live nitong Linggo, Pebrero 3.
"Sabi ko nga, kinukwento ko na lang ito ngayon, na-experience ko noon. Siyempre humanga ako sa iyo. Humanga ako sa iyo. Kaso alam niyo ang masakit si Sarah ang nirereto niya sa akin ay 'yung kapatid niya. Natatadaan mo?" pagbubunyag ni Coco sa publiko.

Ayon naman kay Sarah, mas naniniwala siyang ang kanyang nakakatandang kapatid na si Sunshine ang mas tipo ng aktor.
"Nasaktan ka talaga? Gustong gusto mo si Ate. Ikaw huwag mo akong lokohin. Crush niya si Ate kasi ang ganda ganda ng ate ko si Ate Sunshine. Ano ang tawag mo sa akin noon? hipag," ani Sarah. 

Matapos ang kulitan, inamin ni Sarah na nagkaroon din siya ng paghanga noon kay Martin.
"Ang cute naman ni Coco.... ikaw naman Coco hinangaan din kita dati noon, crush din kita noon," ani Sarah na agad namang sinalag ni Coco.
"Cute? Hindi mo nga ako pinansin dati. Ipinasa mo nga kaagad ako sa ate mo," ani Coco.
Matatandaang nagkasama sa seryeng Idol si Sarah at Coco noong 2010.

Sa ngayon ay busy ang dalawa sa kani-kanilang shows. Nitong Lunes, nagsimula na ang seryeng Juan dela Cruz ni Coco samantalang busy sa kanyang pelikula na "It Takes A Man And A Woman" si Sarah kasama naman si John Lloyd Cruz.