• Home
  • Fresh Scoops
  • John Lloyd Cruz and Sarah Geronimo hope to do a sitcom together in the future

John Lloyd Cruz and Sarah Geronimo hope to do a sitcom together in the future

With their upcoming last movie sequel together, the successful team-up agrees that doing a sitcom will suit them just perfectly.

BY BERNIE FRANCO

FRESH SCOOPS

2/17/2013 10:07 PM
John Lloyd Cruz and Sarah Geronimo hope to do a sitcom together in the future


021813-jlc_main.jpgPanibagong yugto sa kanyang buhay na naman ang haharapin ni Sarah Geronimo dahil matapos iere ang last episode ng kanyang musical show na Sarah G Live last week, sasabak muli ang Popstar Princess sa isang hamon na susubok sa kanyang kakayahan hindi bilang isang singer kundi isang aktres. 

Kamakailan ay inanunsyo ni Sarah na isang drama anthology ang susunod niyang magiging proyekto at excited dito ang singer-actress. 

“Magiging aktres naman po tayo ngayon. Hahasain po natin ‘yan.  Ibat-ibang co-actors… mabibigyan ako ng pagkakataon na makatrabaho ang mga hinahangaan sa drama,” ani Sarah. 

Sa hiwalay na panayam, very optimistic si John Lloyd Cruz sa bagong hamon para sa kanyang leading lady sa upcoming movie na It Takes A Man And A Woman. 

Papuri pa niya kay Sarah, “Natural sa drama (si Sarah). Kahit ano’ng gawin niya, naniniwala ako na mage-excel lang siya.” 

Dagdag pa ni John Lloyd, natutuwa siya na maging parte at saksi sa growth ni Sarah mula nang maging magkapareha sila sa isang episode ng Maalaala Mo Kaya years back, na siyang naging daan para isilang ang kanilang patok na team up. 

Gift nga kung ilarawan ni John Lloyd ang tandem nila ni Sarah dahil nabiyayaan sila ng magandang chemistry. 

Hindi lang naman onscreen partnership ang nabuo sa dalawa, kundi pagkakaibigan na rin. Ayon nga kay Sarah, “’Yung pagkakaibigan po meron po talaga kami and sabi ko nga pag kasama ko ang taong ‘yon at 'pag kausap ko, I can be just myself, and pwede kong sabihin lahat ng pwede kong gustong sabihin,” lahad ng singer. 

“Hindi niya ako huhusgahan, hindi niya ako mamaliitin. Ganun siyang klaseng tao at alam ko maraming mga malalapit sa kanya na makakapag-attest dun sa sinasabi kong ‘yon.” 

Napag-usapan nga ng dalawa na since ang kanilang upcoming movie ay ang kanilang third at last film sequel, isang sitcom naman ang gusto nilang magawa in the future.

“Naisip lang namin ‘yon,” kwento ni Lloydy. “Sabi ko kasi sa kanya, ‘Anong susunod pagkatapos nito?’ ‘Mag-sitcom na lang tayo,’” ang sabi raw nila. 

Sang-ayon naman dito si Sarah na makagawa ng proyekto with John Lloyd na light lang.