Jessica Sanchez promises to return to the Philippines

Jessica Sanchez says that she wants to know more about her Filipino background.

BY BERNIE FRANCO

FRESH SCOOPS

9/28/2012 9:10 AM
Jessica Sanchez promises to return to the Philippines


092812-jessica_main.jpgBabalik si American Idol first runner-up Jessica Sanchez sa US dala ang mga experiences na hindi niya makakalimutan sa Pilipinas. Sa maikling panahong pamamalagi sa bansa ng AI singer ay na-experience niya ang Filipino hospitality. Filipino ang ina ni Jessica at Mexican naman ang kanyang ama.

Paliwanag pa ni Jessica, malaki talaga ang pinagkaiba ng mga Pinoy fans niya sa American fans. “Over here is definitely different from the (United) States,” simula ni Jessica sa kanyang official launch as the newest endorser of Jollibee na ginanap sa Edsa Shangri-La Hotel noong Miyerkules, Setyembre 26. “There is a bigger crowd here and everyone here is so much louder.” Sa US daw ay may mga fans din siya pero hindi kasing sugid ng mga tagasuportang Pinoy. “They’re amazing, they’re like we have your back nonstop. That’s why I love them and I don’t mind coming back any time.”

Kahit na ito raw ang first time niya sa Pilipinas ay naramdaman agad ni Jessica na at home siya. “The people here are amazing. I feel at home.” The best sa kanya ang Filipino food na aniya ay lumaki siyang iyon ang kinakain dahil iyon ang niluluto ng kanyang nanay. “The culture here, everything is amazing. I haven’t been able to really learn much here because I have been working but I’ll definitely come back,” paniniyak ni Jessica.

Tinatrabaho na ngayon ni Jessica ang kanyang upcoming album na ilalabas before the year ends and umaasa siya na susuportahan siya ng kanyang Filipino fans gaya ng pagsuporta sa kanya nang contestant pa lamang siya sa American Idol.