Kitang-kita naman kung gaano kamahal ni Rayver si Cristine. Bagamat tahimik ay lagi lang itong nakasuporta sa aktres. Pero not to the point na titigil ang mundo nito kung sakaling hindi sila magkatuluyan sa huli. “Hindi naman totoo na hindi kakayanin ng isang tao na mawala ang isang tao, dahil hindi naman doon nakukuha ang buhay ’di ba?”
Swerte rin naman si Rayver kay Cristine dahil napakamaalaga nitong girlfriend. Kung minsan nga ay nagpopost pa si Rayver ng pictures sa tuwing paglulutuan siya nito sa bahay. Very humble naman ang aktres ng tanungin namin kung totoo bang masarap siyang magluto. ”Hindi ko alam. Basta ginagaya ko lang nasa cookbook. Natuto na ako dun.” Kahit noong nagpunta raw sila sa Tagaytay ay nagluto rin siya para sa mga pamangkin niya at kay Rayver.
Samantala, hindi raw makaka-attend ng Star Magic Ball ngayong taon ang magkasintahan dahil nagkataong nasa U.S. sila para magbakasyon. ”Wala kami e. Kailangan niyang bumawi sa akin kasi hindi siya sumama sa akin sa London. Kasi nasa US ako for work and then may tour ako sa Canada with Vice Ganda. Tapos after nun, vacation ng slight, mga three days. Susunod si Rayver.”