Karylle says that mom Zsa Zsa Padilla is trying to stay strong

Bernie Franco

<img src='' alt='062612-karylle_main.jpg' align='left' border='0' height='290' width='305'>Malaking hamon ang pinagdadaanan ngayon ng pamilya ni Dolphy dahil sa karamdaman ng Comedy King na as nasa intensive care unit pa, according to Eric Quizon. Habang nagtitipun-tipon ang pamilya ni Dolphy at ang kanyang mga kaibigan, pinagdarasal naman siya ng kanyang mga tagahanga. Nakikiisa rin si Karylle sa pagkakataong ito upang magbigay suporta, lalong lalo na sa kanyang ina na si Zsa Zsa Padilla, na current partner ni Dolphy. “I can’t give [an] official statement dahil ang naka-assign don ay si Kuya Eric. “For me I’m there most of the free time that I have and my Showtime family was kind enough to let me be absent for mga two days. “Talagang dun lang ako with my mom, by her side. Nakakatawa pa nga [minsan] nagutom ako. I don’t like sweets [pero] one night I was craving for cake, sabi ko, ‘Mom, I’ll get you that cake tomorrow.’ Tapos sabi niya, ‘Ayoko ‘yon.’ Pero favorite n’ya ‘yon. So the next day, sobra siyang stressed na hindi siya kumakain, sabi ko, ‘I have your cake.’ Sabi niya, ‘Buti na lang.’ Sabi ko kaya pala kahapon ko pa iniisip. “So ‘yun ang role ko do’n. Ako ‘yung tagasubo. Kailangan mo lang make sure na may kasalo sila sa pagkain. With all the running around you’re doing in the hospital, kailangan ng pampagaan ng loob, tagahawak ng kamay, kayakap.” Very vocal si Eric sa kanyang mga interview na mataas ang tingin nila kay Zsa Zsa sa pakikiisa sa kanila sa panahong ito at bilib din si Karylle sa pananatiling matapang ng ina. “Hindi lang nakikita ng tao [ang mom ko] dahil tahimik siya ngayon. Napag-usapan nila na si Kuya Eric ang magsasalita talaga. So my mom’s there, she’s being strong, but of course it’s very, very difficult for her. I never really imagined how hard it would actually be, but okay naman. Nakaya naman dahil sa prayers ng buong bayan,” pahayag ni Karylle. Dagdag pa niya, ginagawa naman daw ng mga doktor ang lahat ng makakaya nila. On the lighter side, kababalik lang ni Karylle from the Monte Carlo Film Festival kung saan nanomina siya sa Best Actress category. Hindi man naiuwi ng aktres ang tropeo ay kakaibang experience naman daw ang kanyang naranasan niya sa pagdalo do’n. Pagpapatuloy niya, malaking blessing daw ang pagdating ng The Kitchen Musical sa kanya. “The Kitchen Musical is always a dream project kasi matagal ko nang inaantay na magkaroon ng musical. Nag-give up na nga ako sa dream na ‘yon dahil sabi ko parang maling era [ako isinilang]. Kung Sampaguita days sana ako ipinanganak ‘di saktong-sakto ang type kong gawin. And The Kitchen Musical came along and it’s about a year in the making and eto na nga, this is beyond my wildest dream,” lahad ng actress-host. “Matagal ko nang iniisip ano pa kayang meron? Kasi sometimes you wonder, what else is in store for you and I really had no idea and hindi naman ito (international nomination as Best Actress) kasali sa mga pangarap ko, pero it’s a beautiful surprise. I met the prince, si Prince Albert and his wife. We were are at the Prince’s palace. Actually I was a day late kasi nagpasyal-pasyal pa kami sa Paris ng dad ko. Pagdating namin do’n kasama namin ang Hollywood (TV) stars.” Ang pinagkakaabalahan naman ngayon ni Karylle ay ang pagpo-promote ng kanyang music album at first time na maging regional ang sakop nito, meaning imina-market ito outside the Philippines and to other Asian countries like Malaysia, Indonesia, Singapore at Hong Kong.

Karylle says that mom Zsa Zsa Padilla is trying to stay strong | PUSH.COM.PH