Mariin ang pagtanggi ni Piolo at sinabi niyang masaya siya para kay Coco sa kung ano man ang kanyang narating. “I’m happy with whatever Coco is reaping right now,” simula ng aktor at pinuri pa niya ang character actor dahil pinagpaguran daw niya ang kanyang narating ngayon. “Napaka-hard working ng taong ‘yon. Hindi lang siya mabait na tao, napakabait na artista so I’m happy for him. Kapatid ko sa Star Magic, kapatid ko sa ABS-CBN, so walang issue. Ang success ng isa, success ng lahat,” paglilinaw niya.
Recently din ay naisyu si Piolo na nagiging masyado na raw silang malapit ni Maja Salvador dahil sa isang picture na lumabas sa Internet na akmang maghahalikan sila ng aktres. Pero ani Piolo, ito raw ay biru-biruan nilang dalawa. Nagkataon lang daw kasi na may kumuha ng aksyong maghahalikan sila at ipinost ‘yon sa Internet.
On a personal note, ayaw namang pa-pressure ni Piolo na magkaroon muli ng karelasyon. Ayon pa sa kanya, “’Yung mga bagay na ‘yan hindi pinangungunahan. Darating tayo d’yan, mangyayari at mangyayari ‘yan.”