Angel Locsin says she already has her 'last will and testament'

Bernie Franco

<div><img src='' alt='123112-angel_main.jpg' width='305' height='290' align='left' border='0'>Kamakailan sa <i>Kris TV</i> ay ipinaliwanag ni Angel Locsin ang tinuran niya in a previous interview kung bakit sinabi niyang mas makabubuti siguro kung sa mas bagong aktres ibigay ang “bato” ni Darna sa halip na siya. “<i>Nasabi ko ‘yon kasi ayoko ding maging madamot, di ba?</i>” simula ng aktres. “<i>Kasi alam ko kung anong ibinigay sa akin ng Darna, alam ko kung saan ako nakarating dahil sa Darna, kaya ayokong ipagdamot</i>.” </div><div><br/></div><div>Mas mahalaga raw sa kanya na naging masigasig ang kanyang mga tagahanga na muling gampanan niya ang super hero icon nang lumabas ang balitang nakuha na umano ng ABS-CBN, ang istasyong kinabibilangan ngayon ni Angel, ang rights ng <i>Darna</i>. “<i>Kaya rin ako napaisip ng ganito kasi sa</i> Twitter, <i>nung lumabas na ‘yung balitang ‘yon, ‘yun pa lang, eh maraming-maraming salamat na talaga sa pagtitiwala at nagustuhan nila ang pinaggagawa ko (noon bilang Darna)</i>,” paliwanag ni Angel.</div><div><br/></div><div>Patuloy ang pag-imbulog ng career ni Angel subalit ang prayoridad umano niya ay mabigyan ng magandang buhay ang kanyang pamilya. “<i>Gusto ko kasi lahat sa kanila. Para kasing gusto ko lahat ng pwede kong ibigay, ibibigay ko sa kanila. Ayoko lang na parang may iwan, parang ganon ang pakiramdam ko.</i>” </div><div><br/></div><div>Ang sumunod na pahayag ni Angel ay ikinagulat ni Kris Aquino at ng guest co-host niyang si Pooh. “<i>Pag nagta</i>-travel <i>ako may</i> last will at testament<i> ako para</i> settled <i>lahat</i>.” Aniya, hindi kasi niya alam ang pwedeng mangyari kaya mas mainam na handa siya. </div><div><br/></div><div>Tinuran naman ni Kris na ang tinutukoy ni Angel ay tinatawag na “holographic will” kung saan maaari itong hand-written. Kung wala raw itong saksi, sinabi ni Kris na ang mahalaga ay handwriting at pirmado ito ng testator.  </div><div><br/></div><div>Ayon pa kay Angel, noong una ay hindi ito alam ng kanyang ama at ibinibigay na lang niya ang sobra na naglalaman ng kanyang “holographic will” kapag magta-travel siya. Ikinagulat daw iyon ng kanyang ama subalit bandang huli ay gumaya na rin umano siya. </div><div><br/></div><div>Certified blockbuster hit naman ngayonat humakot ng maraming awards kabilang ang Best Picture ang Metro Manila Film Fest entry na<i> One More Try</i> na pinagbibidahan ni Angel, kasama sina Angelica Panganiban, Dingdong Dantes at Zanjoe Marudo. </div>

When it comes to her family, the actress says she wants them to have the best of everything.

Angel Locsin says she already has her 'last will and testament' | PUSH.COM.PH