Manny Pacquiao defends wife Jinkee: 'Maganda naman ang asawa ko'

Pati si boxing champ at Saranggani congressman Manny Pacquiao ay napamangha sa “transformation” ng kanyang asawang si Jinkee Pacquiao na masisilayan sa pinakabago niyang pictorial for a magazine. Umani ng maraming puna ang nasabing photos dahil diumano’y edited ang nasabing larawan ni Jinkee.

Ipinagtanggol naman ni Pacquiao ang kanyang asawa at napa-wow pa nga siya rito. “Maganda naman ‘yung asawa ko, lalong gumaganda kasi wala siyang inaalala,” depensa ni Manny sa interview sa kanya ng ABS-CBN News.

Samantala, dinepensahan din ni Jinkee ang sarili mula sa kanyang mga kritiko. “Makikita naman nila siguro sa akin na pumayat talaga ako," aniya sa panayam ng ABS-CBN News.

Idinagdag pa niya na tingnan na lang siya ng kanyang mga kritiko nang personal para patunayan na malaki talaga ang improvement niya. “Basta hindi ko na kailangan mag-explain pa. Basta 'yun na 'yung resulta ng aming pictorial.”