Kasama si Angelica Panganiban sa Star Magic Artists na nagkaroon ng series of shows sa America kamakailan para sa Star Magic 18 U.S. concert tour. Sinamantala rin ni Angelica ang pagkakataon na ito para muling makita ang kanyang tunay na ama na si Mark Charlson who is based in U.S.

Isinama ni Angelica ang iba pang kasamahan sa Star Magic nang magpunta sa kanyang ama para makipag-bonding. “Ang naipakilala ko sina Pokwang at Maja, nag-dinner kami kasama ng daddy ko, birthday din kasi ng Tita ko. The following day, na-meet din Bea yung dad ko after nung show. Actually silang lahat sina Zanjoe, John Lloyd, Diether, Enchong, ipinakilala ko sa kanila ang daddy ko,” kuwento ni Angelica.

Samantala, nakatakda naman daw na bumisita dito sa Pilipinas si Daddy Mark para na rin makilala ang boyfriend ng kanyang anak na si Derek Ramsay. Excited naman si Derek na ma-meet din ang daddy ng kanyang girlfriend. “Sabi niya, when he goes here I have to drive him around. Sabi ko sure! Hopefully makapunta siya this year, they’re planning to, if not kapag pumunta ako sa States kasama sa itenerary ko puntahan ang daddy ni Angel,” pahayag naman ni Derek.