Patrick Garcia, officially a Kapamilya again

The actor says his contract ended in another station and he was glad ABS-CBN offered him to do a show.

BY KRISSA DONIDA

FRESH SCOOPS

12/8/2011 9:00 AM
Patrick Garcia, officially a Kapamilya again


120611-patrick_main.jpg“It feels great! Of course I am happy to be back and excited also.” Ito ang nasabi ni Patrick Garcia nang ekslusibo siyang na-interview ng Push.com.ph tungkol sa paglipat nito sa Kapamilya Network.

Limang taon na ang nakakaraan ng lumipat si Patrick Garcia sa GMA7. At nang matanong kung ano ang naging dahilan ng pagbabalik niya muli dito sa ABS-CBN, ito ang kanyang naging sagot, “Well, my contract ended there on the other side and I was being offered here to come back and do a show so, yes.”

Wala naman daw naging samaan ng loob na namagitan sa GMA7 at pinasalamatan niya pa nga ang naturang istasyon na nagbigay sa kanya ng trabaho sa loob ng limang taon. Dagdag pa nga ni Patrick, “We all belong to one industry and the battle of the stations is not my battle and wherever there is work (doon ako), of course.” Ngunit ang makahulugang sinabi ng binata sa kanyang paglipat ng istasyon ay, “But it’s nice where you can be yourself.”

Marami na nga ang sabik malaman kung ano ang mga aabangan ngayong ngang balik-kapamilya si Patrick, at isa dito ay isang serye na pagbibidahan nila nina Maja Salvador at Jason Abalos na Lumayo Ka Man Sa Akin. “I’ll do my best to give a good performance and sana di sila magsisi na kinuha nila ako ulit.”

Na-eexcite na din si Patrick na muling makatrabaho ang mga kaibigan niyang halos kasabay niya ding nagsimula sa showbiz. “Sina John Lloyd, sina Baron, they are my friends and we grew up together at natutuwa akong mapanood sila and the success that they’ve reached and attained.”

Natanong din namin si Patrick kung wala naman bang magiging problema kung saka-sakaling magkatrabaho niya si Luis Manzano. Si Luis ay kasintahan na ngayon ni Jennylyn Mercado na ex-girlfriend ni Patrick Garcia na ina din ng kanyang anak. “Oo naman actually nagkasama na kami before sa Kampanerang Kuba and yeah I know him naman at matagal ko nang kilala yan wala pa siya sa showbiz kilala ko na yang si Luis. Di naman magiging problem. “

At nang matanong namin kung sino ba ang gusto niyang makatrabaho sa pagbabalik Kapamilya niya, nabanggit ng aktor na gusto niyang makatrabaho si Kim Chiu.